A planta piloto da APLTA dispón das tecnoloxías lácteas máis significativas e conta, por exemplo, con diversas liñas de queixería, de elaboración de leites fermentados, filtración tanxencial, evaporación e secado, produtos estériles, xeados…
Ademais, traballa con algunhas novidades que están a ser estudadas actualmente polo sector como a microparticulación, a cavitación, a carbonatación, o texturizado por efecto de cizalla, a dosificación aséptica de ingredientes ou a homoxeneización de altas presións.
Gran parte deste equipo utilízase noutros sectores de procesamento de alimentos: a filtración selectiva, a esterilización continua de produtos líquidos e viscosos, a estilización en autoclave, a deshidratación e secado, a carbonatación, a texturización, a aireación… Este é o caso de sectores como o conserveiro e de produtos como o viño e outras bebidas, as sopas e cremas, os purés infantís, os pratos precociñados, etc.
A continuación, pode coñecer con máis detalle as tecnoloxías que pomos á súa disposición:
